Жалал-Абад облусунда өтүүчү "Манас таануу" сынагына Чаткал районунан 3 топ катышат

        Республикалык Манас театрынын манасчыларынын катышуусунда " Манас таануу" интелектуалдык таймашы Чаткал районунун Айгыр -Жал айылындагы маданият үйүндө болуп өттү. Таймашка райондун 18 мектебинен топтор катышты.

         Окуучулар Манас эпосундагы окуялардан үзүндү айтуу менен суроо- жооптор аркылуу билимин сынашты.

       Ар тараптуу өзгөчөлүгү менен айырмаланган 3 топ Жалал -Абад облусунда өтүүчү сынакка жолдомо алышты. Алар Жаңы -Базар айылындагы Таласбай Жаналиев жалпы орто билим берүүчү мектеби, Ак -Таш айылындагы Усупбек уулу Кубатбек атындагы мектеби, Айгыр -Жал айылындагы Исмаил уулу Матиш атындагы мектеби

 Таймаштын максаты: 

- Кыргыз элинин эң негизги руханий мурасы жана тарыхый байлыгы болгон үчилтигин окуучулардын аң сезимине жеткирүү;

- Кыргыз элинин тарыхын,маданиятын,тилин сактоо,өнүктүрүү,рухий дөөлөттөрдү үйрөтүү;

- Окуучуларды эпос аркылуу жарандык атуулдукка, достукка, биримдикке, улут аралык ынтымакка тарбиялоо жана мекенчил сезимин жогорулатуу;